தடுப்பூசி போடுங்க...

 தடுப்பூசி செலுத்திக்கொள்வதில் உள்ள தயக்கத்தை படித்தவர், படிக்காதவர் மத்தியில் எந்த வித்தியாசமும் இன்றி தாராளமாக காணமுடிகிறது.

தடுப்பூசிகள் குறித்த சந்தேகங்கள், கேள்விகள் இருந்தால் 10 மருத்துவர்களை நன்கு கேட்டு ஆலோசித்து முடிவு செய்யலாம். அதில் பாதிக்கு மேற்பட்டோர் வேண்டாம் எனும்பட்சத்தில், போட்டுக் கொள்ளாமல் இருப்பதை ஏற்றுக்கொள்ளலாம்.. 

ஆனால், வெறும் வாட்ஸ் அப் பார்வேர்டு தகவல்களை, அதுவும் ஆதாரமற்ற தகவல்களை நம்பி,  தடுப்பு மருந்து போட்டுக்கொள்ளாமல் இருக்கும் மக்களை என்ன சொல்வது என்றே தெரியவில்லை.

என் காதில் விழுந்தபடி, பலர் நடிகர் விவேக்கை உதாரணமாக்குகிறார்கள்... அவர்களின் வாட்ஸ் அப் பெட்டிக்குள் நயன்தாரா, ரஜினிகாந்த், ஸ்டாலின், கமல், எடப்பாடி பழனிசாமி, இன்னும் பிற பிரபலங்களின் தடுப்பூசி போட்டுக்கொண்ட செய்தி அவ்வளவு சீக்கிரம் சரியாக வந்துவிடவில்லை. 

இங்கு கொரோனா உயிர்கொல்லியா தடுப்பூசி உயிர்கொல்லியா என்கிற வாதம் வேறு.

சரி தடுப்பூசிதான் போட்டுக்கொள்ள தயக்கம் என்றால், முககவசம் அணி, விலகி இரு, தனித்து இரு என்பதையாவது கடைபிடிக்க வேண்டும்.. அதையாவது கேட்கிறார்களா..? 

இன்னமும் விழிப்புணர்வு வேண்டுமென்றால் பதாகைகள் போதாது.. பணத்தையும்  கொடுத்தாக வேண்டும்... ரேசன் அட்டைக்கு நிவாரணம் கொடுப்பது போல்,  ஊசிக்கு ஊக்கமளிக்க தொகை கொடுத்தால்தான் தொற்றின் தாக்கம் கட்டுப்படும். அதனோடு நம்பிக்கையையும் விதைத்தாக வேண்டும்.

என் கிராமத்தில் என் சகோதரர் ஊராட்சி மன்ற தலைவராக உள்ளதால், அவரின் ஏற்பாட்டில் தடுப்பூசி முகாம் ஒருங்கிணைக்கப்பட்டது. குறைந்த எண்ணிக்கையில் மட்டுமே பொதுமக்கள் பங்கேற்றனர். ஆனால், இந்த முகாமில் ஊசி போட்டுக்கொண்டவர்கள் மற்றவர்களுக்கு நம்பிக்கை அளிக்கக்கூடும் என்பதில் ஐயமில்லை. நம் அருகில் உள்ளவர்கள் ஊசி போட்ட பின் எந்த பாதிப்புக்கும் ஆளாகவில்லை என்கிற நம்பிக்கை வந்தால் தான், தயங்கியவர்கள் தடுப்பூசியை தேடி வருவர்.

கொரோனா தீவிர பிடியில் இருந்து தப்பிக்க, முகக்கவசம், தனிமனித இடைவெளி, சுத்தம் ஆகியவற்றோடு, தடுப்பூசி மட்டுமே தற்போதைக்கு உள்ள தீர்வு...

டிஜிட்டல் ஜர்னலிஸ்ட்டா நீங்க...?

இணைய ஊடகத்தில் பணியாற்றுவோரில் பெரும்பாலானோர் தங்கள் தகுதிகளை வளர்த்து கொள்கிறார்களா..?
நாள்தோறும் புதிது புதிதாக தொழில்நுட்பங்கள் வருகின்றன. ஊடக துறையில் இந்த மாற்றங்களை, புதிய வரவுகளை வரவேற்க யார் தயாராக இருக்கிறார்கள்? தமிழ் ஊடகங்கள் இதனை பற்றிகொள்கின்றனவா..?

இந்த கேள்விகளை நான் எனக்கே கேட்க வேண்டியதும் கூட.

இணையம் என்ற ஒன்று இன்று நம் வாழ்வில் பின்னிப்பிணைந்தவையாக மாறிவிட்டது.

தேர்வு எழுதினால், முடிவுகளை அறிய இணையம் பயன்படும் என்று எண்ணி இருந்த தலைமுறைகள்தான் இன்று இணைய ஊடகங்களில் சூப்பர் சீனியர்கள். இணையத்தில் ஃபேஸ்புக்கை அதன் பிறப்பில் இருந்தே பற்றிக்கொண்டு வருபவர்கள் சீனியர்கள்.

சூப்பர் சீனியர்களுக்கும், சீனியர்களுக்கும் உள்ள இடைவெளி ஒற்றைபடை எண் அளவு தான் என்றாலும், 90களின் இறுதியில் பிறந்தவர்கள் தான் இன்று இணையத்தில் வாழ்ந்து கொண்டிருக்கும் ஜீவன்கள். இவர்களை நம்பிதான் கிட்டத்தட்ட இணைய ஊடகங்கள் பிழைப்பை நடத்துகின்றன. நடத்திதான் ஆக வேண்டும்.

இணைய ஊடகங்களை பல்வேறு வயதுடையவர்கள் பயன்படுத்தினாலும், இளைய தலைமுறை தான் அதிகம் என்பதால், அவர்களுக்கு அதிகம் தீனி போட வேண்டியுள்ளது. அதற்கான சரக்குகளை தான் இணைய ஊடகங்கள் வழங்க வேண்டியுள்ளது.

அன்றாட செய்தி, அதன் தாக்கம், வாதம், விவாதம் என ட்ரெடிஷனல் மீடியாவுக்கான அத்தனையையும் இணைய ஊடகம் பெற்றிருந்தாலும், கட்டற்ற சுதந்திரத்தால் இணைய ஊடகங்கள் ஒரு படி முன்னே நிற்கின்றன.

பாரம்பரிய செய்தி ஊடகம், இணைய செய்தி ஊடகம், இவையிரண்டும் கலந்த செய்தி ஊடகம் என செய்தி ஊடகங்களை பிரித்து  கொள்வோம்.
இதில் முதல் இரண்டும் ஒன்றுக்கு ஒன்று முற்றிலும் வேறுபட்டது. பின் இரண்டு ஊடகங்கள் தான் இன்று வேகமாக வளர்ந்து வரும் செய்தி நிறுவனங்களாக இருக்கின்றன.

நான் இங்கு ’ஊடகத்தில் எழுதும் முறை’ பற்றி சொல்ல வரவில்லை. இணைய ஊடகத்தினருக்கான திறன்மேம்பாடு குறித்து தான் பேசப்போகிறேன்.

இணைய ஊடகத்தில் பணியாற்றுவோருக்கான 23 திறன்களை (டிஜிட்டல் ஸ்கில்ஸ்) சர்வதேச ஊடகவியலாளர்களுக்கான மையம் வகைப்படுத்தியுள்ளது. இதில் 5 திறன்களை மட்டுமே பெரும்பாலான இணைய ஊடகங்களில் பயன்படுத்தப்படுவதாக அந்த மையம் நடத்திய ஆய்வில் தெரிய வருகிறது.

ஆக. முதலில் திறன்கள் மீது கவனம் செலுத்த வேண்டும்.

அதேபோல, சிறப்பு செய்தியாளர், மூத்த பத்திரிகையாளர், சீனியர் சப் எடிட்டர்,  அது இது என்று வெற்று பதவிகளை ஓரமாக வைத்துவிடுங்கள். டிஜிட்டல் ஸ்கில்ஸ் இல்லை என்றால் நீங்கள் ஒருபோதும் டிஜிட்டல் உலகிற்கு தகுதியாக மாட்டீர்கள்.

செய்தியாக்குதல், அதனை சமூக ஊடகங்களில் பதிவிடுதல் என இவையிரண்டு மட்டுமே இணைய ஊடகங்களின் பணியல்ல. இவையிரண்டுக்கும் இடையில் செய்ய வேண்டியது நிறைய இருக்கின்றன. அதற்காக தான் இணைய ஜாம்பாவான்களான கூகுள், ஃபேஸ்புக், ட்விட்டர் ஆகியன திறன் மேம்பாட்டு பயிற்சி அளிக்கின்றன.

அந்த பயிற்சிகளை இங்கு, இங்கு, இங்கு சென்று படித்து பெறுங்கள்.

(இன்னும் தொடரும்..)

எங்கு காணினும் என் இனத்தான்..!

நான் பிழைப்பை கடத்தும் துறையில் நுழைந்தபோது பொறியாளன் என்பதை காட்டிக்கொள்ள தயங்கியதுண்டு.

மிகைதகுதியால் மிகைப்படுத்தல் ஆகி, இருப்பவர்களோடு இடைவெளி கண்டதை களைய பழகுதலை படித்தே படிகளை பற்றினேன்.

அண்மையிலொருநாள்...

கடந்துவிட்ட காலத்தை அசைபோட பொழுதொன்று இடம்கொடுக்க, இணை பிழைப்பாளிகளோ என் இனமடா நீ என்று கோர்வையாக தோளுயர்த்தி சொன்னது தான் எனக்கு சிலிர்ப்பு.

பட்டம் முடித்து பணியின்றி இருக்கும் பொறிஞனுக்கு சமூகம் சுட்டும் சொல் - வளாக நேர்காணல் வாய்க்கவில்லையா ?

பொறியாளன் மட்டும் தான் துறைபாரா நுழைதிறன் உடையான் என்பதை பத்தாண்டு காலத்தில் நான் பார்த்துக்கொண்டிருக்கும் வியப்பு.

ஈட்டும் தொகையில் உள்ள எண்களின் இலக்கங்கள், படித்து பெற்ற மதிப்பு எண்களின் இலக்கங்களுக்கு தொடர்பு உண்டா என்ன?

அந்த மாய எண்களுக்கு தானே துறை எதுவென பாராமல் புரையோடி கிடக்கிறான் பொறியாளன்.

நீருக்கு மன்றாடும் இருநாட்டு மன்னர்களின் மாய எண்களைப் போல் , தான் ஈட்டும் எண்களுக்கும் ஒருநாள் மதிப்பு கூடாதா என்று ஒவ்வொரு இரவையும் கடப்பதைப்போல், இன்றிரவையும் உள்ளபடியே கடப்பான் பொறிபடித்த என் இனத்தான்...

நம்ம ஊரில் கூகுள் !

கூகுள் என்றாலே பிரம்மாண்டம் தான். அந்த பிரம்மாண்டத்தில் தமிழுக்கு முக்கியத்துவம் எனும் போது கணினித்தமிழ் வளர்ச்சி மேலோங்கி பயணிக்கிறது என்பதில் உள்ளபடியே மகிழ்ச்சி.

தமிழ் சேவையில் கூகுள் ஏற்கனவே காலடி வைத்தாலும் , தமிழ் மண்ணில் இன்று (மார்ச்13) தான் முதன்முறையாக காலடி வைத்திருக்கிறது.

ஆம். வழக்கமாக பெங்களூரு, ஐதராபாத், டெல்லி ஆகிய இடங்களில் நிகழ்ச்சிகளை நடத்திவந்த கூகுள் முதன்முறையாக தமிழகத்தில் #Googleforதமிழ் என்ற பெயரில் நிகழ்ச்சியை நடத்தியுள்ளது.

கடந்த பிப்ரவரி மாதம் கூகுள் விளம்பர சேவையை (Google AdSense) தமிழுக்கும் நீட்டித்தது. இதன் படி, தமிழ் இணையதளங்களுக்கும் வருவாய் ஈட்டித்தரும் பெரும்பாக்கியத்தை கூகுள் வழங்கியிருக்கிறது. இதன் அறிமுகம் நிகழ்ச்சியாகவும், வலைப்பதிவர், இணையதளம் நடத்துவோருடனான சந்திப்பாகவும் கூகுள் ஏற்பாடு செய்தமை வரவேற்கத்தக்கது.

விரைவில் இது போன்ற நிகழ்வுகளை சென்னையில் ஒருங்கிணைக்க திட்டமிட்டுள்ளதாக கூகுள் உறுதியளித்துள்ளது.

இன்றைய நிகழ்வில் நான் உட்பட கணினித்தமிழ் ஆர்வலர்கள், இணையதளம் நடத்துவோர், இணையத்தில் எழுதுவோர், இணைய வடிவமைப்போர்  என பலதரப்பட்டவர்கள் கலந்துகொண்டு பயன்பெற்றோம்.

குறைந்தளவே அனுமதிக்கப்பட்டதால் ஆன்லைன் முன்பதிவு குறுகிய நேரத்தில் திறந்து மூடப்பட்டது. இதனால் பலர் பங்கேற முடியாமல் போனது.

காண்க: http://zhakanini.com/google-for-tamil-event-in-chennai/

#GoogleForTamil 

வணிகமொழியானது தமிழ்!

தமிழ் இணையதளங்களும் இனி காசு பார்க்கலாம். ஃபேஸ்புக்கில் எழுதுவதால் என்ன பெருசா பார்த்திருக்க போகிறீர்கள், லைக்குகளைத் தவிர..

மீண்டும் வலைப்பக்கங்களுக்கு வாருங்கள். பிளாகுகள் (Blog) இனி தமிழ்மணம் வீசட்டும்!!! காசு மழை கொட்டட்டும்.

என்னன்னு யோசிக்கிறீங்களா?

இதை படிங்க...

கூகுளின் விளம்பர சேவையான ஆட்சென்ஸ் தற்போது தமிழ் மொழியை ஆதரிக்கிறது.

அதாவது, இணையதளத்தில் எழுதப்பட்டு இருக்கும் ஆங்கில உரைக்கு ஏற்ப அல்லது அதற்கு தொடர்புடைய விளம்பரங்களையே கூகுள் காண்பித்தது. இனி தமிழ் மொழியையும் புரிந்து கொண்டு அதற்கேற்ற விளம்பரங்களை காண்பிக்கும்.

இதனால் தமிழ் இணையதளங்கள் பணம் ஈட்ட வழிவகை செய்திருக்கிறது கூகுள்

AdSense now supports Tamil

Friday, February 09, 2018

Continuing our commitment to support more languages and encourage content creation on the web, we’re excited to announce the addition of Tamil, a language spoken by millions of Indians, to the family of AdSense supported languages.

AdSense provides an easy way for publishers to monetize the content they create in Tamil, and help advertisers looking to connect with a Tamil-speaking audience with relevant ads.

To start monetizing your Tamil content website with Google AdSense:

1. Check the AdSense program policiesand make sure your website is compliant.
2. Sign up for an AdSense account
3. Add the AdSense code to start displaying relevant ads to your users.

Welcome to AdSense! Sign Up now.

Posted by: The AdSense Internationalization Team

இனி லைக் போடுங்கன்னு பிச்சை எடுக்க முடியாது

உண்மையான தமிழனா இருந்தா இதை லைக் பண்ணுங்க.. ஷேர் பண்ணுங்க....

சனி பெயர்ச்சி உங்களுக்கு சாதகமா இல்லையா..? இந்த காக்கா படத்தை 15 பேருக்கு ஷேர் பண்ணுங்க.. நாளைக்குள் அற்புதம் நடக்கும்..

இந்த பொண்ணு மாதிரி க்யூட்டா மொக்க போடுற பொண்ணுங்க நம்மள சுற்றி நிச்சயம் இருப்பாங்க.. கமெண்ட்ல டேக் பண்ணுங்க..

இப்படி லைக், கமெண்ட் , ஷேர் ஐ பிச்சை எடுக்க முடியாது இனி...

ஃபேஸ்புக்கின் புதிய விதி engagement பிச்சையை தடுக்க போகுது.

மேற்கண்ட மாதிரி பதிவுகள் இருந்தால் அதன் பரவலை மட்டுப்படுத்த ஃபேஸ்புக் புதிய அல்காரிதம் உருவாக்கியுள்ளது.

அதன்படி, லைக் பிச்சை பாத்திரம் ஏந்தி இனி நம்ம டைம்லைன் பக்கம் ஒரு போஸ்ட்டும் வராதுன்னு நம்பலாம்...

ஆக.. போட்டோ போட்டோமா அதோட விட்றனும்.. லைக் போடுறதா வேணாமான்னு நாங்க முடிவு பண்ணிக்கிறோம்..

#Facebook | https://newsroom.fb.com/news/2017/12/news-feed-fyi-fighting-engagement-bait-on-facebook/

வீடியோ தான் இனி... பார்வையாளரை ஈர்ப்பது எப்படி?

ட்விட்டர் , ஃபேஸ்புக்கை பயன்படுத்துவோரில் செல்பேசி வழி பயன்படுத்துவோர் எண்ணிக்கை 90% மேல் என்பதால் வழமையான பதிவிடலில் இருந்து, புது உத்திகளை கையாள வேண்டிய தருணத்தில் இருக்கிறோம்.

படிப்பதை விடவும், வீடியோவாக பார்த்து கடந்து செல்வதே இணைய வாசகர்களின் விருப்பமாக உள்ளது. அதனாலயே, வீடியோ பதிவுகளின் பரவல் அதிகமாக உள்ளது.

வீடியோக்களை தொடர்ந்து பார்க்கலாமா வேண்டாமா என்பதை முதல் 10 விநாடிகள் தான் தீர்மானிக்கின்றன.

அதுவும் பார்வையாளர்கள், ஒலி இல்லாமல் வெறுமனே காட்சி ஓட்டத்தை வைத்து தான் தொடர்வதை தீர்மானிக்கின்றனர்.

ஆக, அதை நம் வசப்படுத்த Strategy வகுக்க வேண்டும்.

பொதுவாக தேநீர் கடையில், பயணத்தில், பொது இடத்தில், அலுவலகத்தில் இருப்போர் சமூகவலைப்பக்கங்களில் உலவும் போது நம் வீடியோவை காண நேரிட்டால் அதை ஒலி இல்லாமல் தான் காண்பர். அது தான் 99.99% நடக்கும்.

நம் வீடியோ, பேசும் படங்களாக மாற வேண்டும். அப்போது தான் அதனை கடந்து செல்லாமல் பார்வையாளர் தக்க வைக்கப்படுவர்.

இதற்கு சில யோசனைகளையும், நாம் கவனத்தில் கொள்ள வேண்டியது அவசியமாகிறது.

1. வீடியோவின் தொடக்கத்தில் ஈர்க்கக்கூடிய காட்சிகளை காண்பிக்கலாம்
2. வீடியோவில் எழுத்துகளையும் காண்பித்தால் (Caption) கேட்பதற்கு பதில் படித்து கொண்டே பார்ப்பார்கள்.
3. முக்கியமாக Thumbnail படம் கிளிக் செய்ய தூண்டும் படி அமைக்க வேண்டும்.
4. நிறுவனங்கள் தங்கள் Brandஐ நன்கு காணும் படி வைக்க வேண்டும்.

What is happening in Iran? https://t.co/tbjil3ykUc pic.twitter.com/oP0UMu5p6A

— BBC News (World) (@BBCWorld) January 2, 2018

பொழுதுபோக்கு அம்சங்களை தேடிப்போய் பார்த்து விடுவார்கள். வணிக நிறுவனங்கள் தங்கள் பொருட்களை பார்வையாளரிடம் சேர்க்க மேற்கண்ட உத்திகளை முயற்சி செய்யலாம்..